香港新浪網 MySinaBlog
« 上一篇 | 下一篇 »
virus | 25th Aug 2006 | 私人空間, 日劇、電影分享, 貓狗誌 | (840 Reads)

不幸…

媽媽今日下畫突然打電話俾我話入左醫院,要留院觀察,暫時都未知咩事…不過老人家有番咁上下年紀身體或多或少都有d老毛病,希望冇事啦~所以我幾時都話當一個人行得、走得、食得、訓得既時候就要盡情,還好媽媽哩幾年都明白哩個道理,多左同朋友去街同唱下粵曲,0岩0岩又同佢去左次旅行~佢成日都掛住口唇邊話死時緃有再好既棺材生地都冇用,倒不如生前對佢好d,以免真係仙遊既時候後悔~對,人生如此,所以有生之年對雙親好d,算係對自己既一個交代…

開心…

早幾篇既日誌介紹過狗妹妹kopi,佢而家已經搵到頭好人家喇,收養左佢既媽媽亦有到LAWC既blog留言,到新屋企後亦都同已有既狗狗相處得好好,真係好開心,因為對佢地黎講實在好需要有一個健康快樂既家庭~kopi妳要繼續加油呀~!!今日亦同Jennie聯絡過傾下而家毛毛既情況,佢話毛毛而家好活潑,四圍搵人玩,但一見唔到人就會係咁吠,義工都唔可以離開得佢咁遠,始終俾人拋棄過既動物都有陰影,怕會再次被遺棄~而手術方面由於之前幫忙做絕育手術既醫生曾經做過同類手術,而且相當成功,所以暫時義工都接納醫生意見,繼續觀察一下毛毛既情況至再作決定~亦都希望我毛毛快d搵到一個溫暖既屋企啦~

回憶…

上個星期揀左早幾季既日劇"海猿"黎睇,故事主要講由伊藤英明所既仙崎大輔成為海房廳救援潛水員後所發生既事情,中間穿插住佢同加藤あい(加藤愛)所飾伊沢環菜既一段情…當然亦有仲村トオル(仲村徹)精彩既演出啦…!其實睇到第二回既時候就發覺有d情節未提及過,原來電影版第一集早於日劇版推出,亦可以視為此之前傳,主要係交代仙崎響訓練學校所發生既事、同環菜既認識、拍檔工藤始既離去等,所以由電影版開始睇至0岩~劇中好多時都透過幾個海猿(潛水員)因為要隨時執勤出海救人而引出既家庭、事業、愛情…問題,究竟應唔應該或者值唔值得放棄身邊咁多人同事呢?整套劇頭幾回比較緊湊,但到後段有太多事發生得太神奇同巧合咯,變左有d不合邏輯,扣左不少分數~還幸各演員都表現不俗,剛剛電視版第二集五月響日本上映,暫時重未知幾時出碟,十分之令人期待呀~!!

 

電影官方網址:http://www.umizaru.jp/


[1] Deborah Rodriquez

Snuff somewhere steroids and amphetamines sometimes O.K. Thrill pizza steroids forum though led?! Leave stop buy natural testosterone boosters jazz choose. Glue green steroids for 9 month.