香港新浪網 MySinaBlog
« 上一篇 | 下一篇 »
virus | 23rd Nov 2007 | 貓狗誌, 長期展覽 | (2861 Reads)

標題是從Jos的部落格撮要出來的,連結不貼出來了,因為在他的部落格有報導今天的虐貓新聞,還有些血淋淋的相片…其實昨天已在群貓會的討論區內看到網友的報導,每次知道有同類事情發生時除了憤怒以外還有百般的無奈,無奈是因為義工或餵貓的朋友可以做到的不多,總不能每晚輪班看守著貓地,保護著貓貓的生命安全…倚賴警察辦事的話就更加不可靠,大家對動物的生存價值有著明顯的差異,我想除非當場捉住虐貓的人,否則他們也不會/不可以有任何行動…正如我之前的網誌也提過,其中一個餵貓飯的姐姐希望多些年輕的朋友可以照顧街貓,因為義工當中多以女性為主,部份更是年紀較大的長者朋友,就算真的看到對貓貓不利的人也未必有能力制止,所以才有這樣的想法…在我自己來說,作為一個時常探貓的人其實不難做到的,簡單如看到一些可疑的人在貓地徘徊,上前問他在做甚麼,又或者看到有人戲弄貓貓的時候上前勸止等,都是我們能力範圍內所能做到的…雖然未必有實則的作用,但起碼要讓其他人知道流浪貓不是別人的玩具,牠們也有自己的生命…

亦在此希望每位跟我一樣喜歡影貓/探貓的朋友可以做多一點,除了不公開流浪貓的地點外也要在發現有可疑時挺身而出,你的力量是可以防止不幸的發生!

P8189448.jpg


[4] Re: 愛貓初階者
愛貓初階者 :
"要同d貓貓保持距離"....
之前我都冇留意到,
淨係覺得貓貓好得意,
好想同佢(一隻0係我工作地點附近流浪的貓)玩~
由最初我伸手, 佢會彈開,
到佢肯俾我摸,
直至佢越來越黏我~
到有一日, 我放工後出去同佢玩左一陣,
至後番去拎番d野諗住走,
佢留0係側門附近, 一見到我就跟住我,
跟到去過左平時佢玩 ge 地方都繼續跟,
直至另一餵佢ge人出現, 佢先離開等食...
到第二日, 我要走果...

你哩種心情其實我都好明白,真係要一段比較長既時間至可以去適應,平時我去餵佢地都會有一個限定既位置食,盡量係可以等佢地一路食都可以睇到四圍既環境,方便有陌生人行黎既時候可以走得到,另外見到佢地跟住我行出佢地既活動範圍我會停低叫佢地返轉頭,佢地就會坐定定望住我走…

心情難受總會有,不過佢地可以安樂咁生活落去就去,諗得太多反而唔係咁好…

virus
[引用] | 作者 virus | 25th Mar 2009 | [舉報垃圾留言]

[3]

"要同d貓貓保持距離"....
之前我都冇留意到,
淨係覺得貓貓好得意,
好想同佢(一隻0係我工作地點附近流浪的貓)玩~
由最初我伸手, 佢會彈開,
到佢肯俾我摸,
直至佢越來越黏我~

到有一日, 我放工後出去同佢玩左一陣,
至後番去拎番d野諗住走,
佢留0係側門附近, 一見到我就跟住我,
跟到去過左平時佢玩 ge 地方都繼續跟,
直至另一餵佢ge人出現, 佢先離開等食...
到第二日, 我要走果陣, 為左佢唔好跟黎而繞路行,
當我離遠回望, 見佢又留0係側門附近,
果陣真係心情沉重,
雖然明白自己冇能力俾佢一個家,
而且佢0係度生活都算 ok (起碼唔使捱餓)
亦知道即使帶佢番屋企,要出門口果陣都會有類似要"離開佢" ge 情況出現,
但果一刻見佢好乖伏0係地上, 好似真係等緊人同佢玩咁, 個心真係好痛.....

對虐貓者冇戒心....其實呢樣野我都擔心...
聽講佢媽媽之前就0係附近被虐待....


[引用] | 作者 愛貓初階者 | 21st Mar 2009 | [舉報垃圾留言]

[2]

...睇完0個篇報導,佢講到係咪錯在隻貓貓太乖、太黐人呢?...令我記起之前睇過一個電視節目,訪問過一個餵貓0既女仕...佢話:{我會同d貓貓保持距離,唔會同佢地咁親近...除非佢自己走過嚟,咁就摸吓佢...}原因係因為怕佢地太過信任人,對陌生人冇咗防備之心~依家諗番轉頭,其實不無道理...
不過有時d貓貓主動走過嚟,又真係好難抗拒0個喎~~唉~~~~
最后都要呻一句:
無能0既政府造就變態0既兇徒


[引用] | 作者 愛貓的人 | 24th Nov 2007 | [舉報垃圾留言]

[1]

看到了那篇報導後我即時喊了出來, 一條小生命就這樣恨恨地完結了, 我不能明白為何那人可以如此殘害那弱小的貓兒? 即使不喜歡貓兒, 也大可以擦身而過, 各有各的生活空間, 用不著打打剎剎, 為的又是什麼呢?

把本身的不快樂發曳在弱者的身上是無恥自私的行為... 即使是隻街貓, 也是有生命有血有肉的! 絕不能弱剎它們!!!

我希望社會大眾能多點宣傳愛護動物的知識! 也希望大家能尊重動物生命! 不喜歡它們的人, 可以遠離! 但絕不可以弱虐它們!

人在做, 天在看! 難道要有一天角色身份換轉了時候, 才後侮當日無恥白私的行為?


[引用] | 作者 B 媽 | 24th Nov 2007 | [舉報垃圾留言]